نیت دل میں یہ ارادہ کرنا کہ فلاں نماز پڑھ رہا ہوں (مثلاً: "میں اللہ کے لیے فرض نمازِ فجر کی پہلی رکعت پڑھتا ہوں”)، نیز منفرد اکیلے نماز پڑھنے اور مقتدی امام کی اقتدا کرنے کی نیت کرے۔ اگر قضا نماز ہو تو قضا کی نیت کرے۔
تکبیرِ تحریمہ
دونوں ہاتھ کانوں یا کندھوں تک اٹھانا۔ ہتھیلی کھلی ہوئی اور انگلیاں باہم ملی ہوئی ہوں۔ ہتھیلیوں کارخ قبلہ کی طرف ہو۔
ہاتھ اٹھانے کے ساتھ کہیں: "اللّٰہ اکبر”۔
پھر ہاتھ باندھنا: دائیں ہاتھ کو بائیں پر ناف کے نیچے یا اوپر رکھنا۔
دعائے استفتاح (استفتاح کی دعا – سنت) "سبحانک اللہم وبحمدک، وتبارک اسمک، وتعالیٰ جدک، ولا إلہ غیرک”۔ یا ’’انی وجهت وجهي للذي فطر السماوات والأرض حنيفا مسلما وما أنا من المشركين، إن صلاتي ونسكي ومحياي ومماتي لله رب العالمين، لا شريك له، وبذلك أمرت وأنا من المسلمين.‘‘
قراءت
"أعوذ باللہ من الشیطان الرجیم” کہنا۔
"بسم اللہ الرحمن الرحیم” آہستہ کہنا۔
سورۃ الفاتحہ پڑھنا (ہر رکعت میں فرض ہے)۔
اس کے بعد کوئی اور سورت یا کم از کم تین آیات پڑھنا
رکوع
رفع الیدین کرتے ہوئے "اللّٰہ اکبر” کہہ کر جھکنا۔
دونوں ہاتھ گھٹنوں پر رکھنا، کمر بالکل سیدھی۔
کہنا: "سبحان ربی العظیم” (کم از کم ایک بار، تین بار افضل)۔
قومہ (رکوع کے بعد کھڑا ہونا)
اٹھتے ہوئے کہنا: "سمع اللّٰہ لمن حمدہ”۔ اور ساتھ ہی رفع الیدین کرنا
کھڑے ہو کر کہنا: "رَبَّنا وَلَکَ الحَمدُ مِل ٗ السَّمٰوٰتِ وَمِلٗ الاَرضِ و مِلٔ مَا شِئتَ مِن شَیئ بَعد”۔
سجدہ اوّل
"اللّٰہ اکبر” کہہ کر سجدے میں جانے کے لیے پہلے گھٹنے زمین پر رکھیں پھر ہتھیلیاں اور پھر پیشانی اور ناک زمین پر ٹکا دیں۔
سات اعضاء زمین پر لگنے چاہئیں: پیشانی، ناک، دونوں ہاتھ، دونوں گھٹنے، دونوں پاؤں کے انگوٹھے۔
ہتھیلیاں زمین سے لگی ہوئی ہوں اور کہنیاں پیٹ سے الگ رہیں، پیٹ رانوں سے الگ رہے۔دونوں پاؤں اس طرح کھڑے ہوں کہ انگلیوں کا رخ قبلہ کی طرف ہو۔
کہنا: "سبحان ربی الأعلیٰ” (کم از کم ایک بار، تین بار افضل)۔
جلسہ (دو سجدوں کے درمیان بیٹھنا)
"اللّٰہ اکبر” کہہ کر بائیں پاؤں پر اس طرح بیٹھنا کہ دایاں پاؤں کھڑا ہو۔
کہنا: "رب اغفر لی، رب اغفر لی، رب اغفر لی"۔
سجدہ دوّم
پھر "اللّٰہ اکبر” کہہ کر دوسرا سجدہ کرنا۔
🔹 دوسری رکعت
ہاتھوں سے رانوں پر سہارا لیتے ہوئے پنجوں کے بل کھڑے ہونا (سجدہ سے اٹھ کر)۔
شہادت پر دائیں ہاتھ کی انگلی سے اشارہ کرنا سنت ہے۔
اگر نماز دو رکعت کی ہے (فجر)، تو یہاں درود ابراہیمی اور دعائیں پڑھ کر سلام پھیر دیں۔
اگر نماز تین یا چار رکعت کی ہے، تو صرف تشہد پڑھ کر رفع الیدین کرتے ہوئے کھڑے ہو جائیں۔
🔹 تیسری رکعت (اگر ہو)
سورۃ الفاتحہ پڑھنا (اضافی سورت کے بغیر)۔
رکوع، قومہ، سجدہ اوّل، جلسہ، سجدہ دوّم۔
اگر نماز تین رکعت کی ہے (مغرب)، تو اب قعدہ اخیرہ میں بیٹھیں۔
🔹 چوتھی رکعت (اگر ہو)
سورۃ الفاتحہ پڑھنا (اضافی سورت نہیں)۔
رکوع، قومہ، سجدہ اوّل، جلسہ، سجدہ دوّم۔
پھر آخری قعدہ میں بیٹھنا۔
🔹 آخری قعدہ (ہر نماز کی آخری رکعت)
تورک کرنا (دایاں پاوں کھڑا کرکے بائیں سرین پر اس طرح بیٹھنا کہ بائیں ٹانگ دائیں پاؤں کے نیچے سے دائیں جانب نکال لیں یا دونوں پاؤں دائیں جانب نکال لیں)، اگر چاہے تو پہلے قعدہ کی طرح بیٹھ جائے۔
